HagopJanbaz2

Յակոբ Պ. Ճանպազեան  ծնած է Լիբանանի Այնճար հայաւանին մէջ Մայիս 30, 1953-ին:

1975 թուականին Գանատա հաստատուելէն ի վեր Մարդու բարոյական կոչումին իսկական գիտակցութիւնը ունեցող որպէս հայ, Յակոբ, իր տաղանդը, իր արուեստը, իր բարոյական կարողութիւններու բովանդակ գանձը ի սպաս դրած է եւ միշտ ներկայութիւն եղած  թորոնթոհայ ազգային, հոգեւոր, մշակութային, կրթական եւ քաղաքական կեանքին մէջ։

Յակոբ Ճանպազեան սիրած է գեղանկարչական եւ գանդակագործական արուեստը։ Ան արուեստի Աստուածատուր տաղանդը միշտ ի սպաս դրած է Հայ եկեղեցիներու, միութիւններու եւ ազգային հաստատութիւններու ծրագիրներուն եւ գործերուն։ Ազգասիրական եւ եկեղեցասիրական ընդոծին ոգիէն թելադրուած Յակոբ իր բազմատաղանդ ձիրքերով ջանացած է միշտ օգտակար դառնալ բոլորին անխտիր։ Ան հեղինակն է հայոց եկեղեցիներու, հայ նշանաւոր դեմքերու, բազմաթիւ հոյակերտ քանդակագործութիւններու արուեստի ընդարձակ շարքի մը։ Իր արուեստի նշանաւոր գործերն են Քէյմպրիճ, Օնթարիոյի մէջ կոթողուած Մուսա Լերան հերոսամարտի յուշակոթողը, Նիւ Ճըրզիի, Մոնթրէալի եւ Թորոնթոյի Հայ Աւետարանական եկեղեցիներու շրջափակերուն մէջ կանգնեցուած հայոց ցեղասպանութեան նուիրուած խաչքար-յուշակոթողները, Թորոնթոյի Հայ Կաթողիկէ համայնքի եկեղեցւոյ շրջափակին մէջ կառուցուած Հայոց Ցեղասպանութեան նուիրուած յուշակոթող խաչքարն ու հայոց Այբ ու բէնին նուիրուած պատկարելի Յուշաքառը։ Հեղինակն է Canada Jewish հաստատութեան (The Association For The Soldiers Of Israel) նախաձեռնութեամբ կառուցուած 6 միլիոն ողջակիզուած Հրիայ նահատակներուն նուիրուած հոյակերտ յուշակոթողին, Bathurst Lawn-ի գլխաւոր մուտքին տեղադրուած Prayer monument «Դաւիթի Աստղը» ներկայացնող կրանիթեայ յուշակոթողին։ Հեղինակն է 2010 թուականին Vishnu Տաճարի շրջափակին մէջ կանգնեցուած խաղաղութեան համար նահատակուած Գանատացի զինուորներու յիշատակին նուիրուած 15 թօն կրանիթեայ եզակի յուշակոթողին, Մոնթրէալի Ազգային Առաջնորդարանի շրջափակին մէջ կանգնեցուած կրանիթեայ պատկարելի խաչքարին, Էջմիածնական թեմի Թորոնթոյի Ս. Երրորդութիւն Եկեղեցւոյ Հայոց Ցեղասպանութեան նահատակներուն նուիրուած յուշակոթող խաչքարին, ինչպէս նաեւ արուեստագետն ու հեղինակն է ՀՕՄ-ի Կեդրոնական Վարչութեան «Արարատ» մրձանակ պարգեւի արուեստի եզակի գործին։

Յակոբ Ճանպազեան ամուսնացած է Ժիւլիէթ Թորիկեանի հետ եւ բախտաւորուած երկու զաւակներով` Լոռի եւ Ռուբէն։

Կապ Հաստատէ

contact@janbazian.com
+374 98 98 0708

Հասցէ՝

8 Յյուսիսային պողոտայ
Երեւան, Հայաստան